கற்பழிப்பு வழக்கு இஸ்ரேல் நாட்டின் முன்னாள் அதிபர் மோஷி கத்சாவ் (65). இவர் கடந்த 2000-ம் ஆண்டில் அதிபராக பதவி வகித்தார். அப்போது தனது அலுவலகத்தில் பணிபுரிந்த ஒரு பெண் ஊழியர் மற்றும் 2 பெண்ணை கற்பழித்ததாக இவர் மீது புகார் கூறப்பட்டது.
இதை தொடர்ந்து அவர் மீது டெல்அவிவ் நகரில் உள்ள கோர்ட்டில் வழக்கு தொடரப்பட்டது. இந்த வழக்கை 3 நீதிபதிகள் அடங்கிய பெஞ்ச் விசாரித்தது. இந்த வழக்கில் நேற்று தீர்ப்பு கூறப்பட்டது. அதில் பெண்களை கற்பழித்த கத்சாவுக்கு 7 ஆண்டு ஜெயில் தண்டனை விதிக்கப்பட்டது.மேலும் ரூ.11 லட்சம் அபராதமும் விதிக்கப்பட்டது.
இது தவிர கற்பழிக்கப்பட்ட பெண்களுக்கு தலா ரூ.3 லட்சம் நஷ்டஈடு வழங்கும்படியும் உத்தரவிடப்பட்டது. இந்த வழக்கில் 2 நீதிபதிகள் அவருக்கு எதிராகவும், ஒரு நீதிபதி ஆதரவாகவும் தீர்ப்பளித்தனர். மேல் முறையீடு இதற்கிடையே, இந்த தீர்ப்பை எதிர்த்து மேல் முறையீடு (அப்பீல்) செய்யவும் அவருக்கு வாய்ப்பு வழங்கப்பட்டது.
அதற்கு வசதியாக அவரை வருகிற மே 8-ந்தேதி ஜெயிலில் அடைக்கும்படியும் உத்தரவிடப்பட்டுள்ளது. இந்த நிலையில், தீர்ப்பை எதிர்த்து மேல் முறையீடு செய்ய இருப்பதாக கத்சாவின், வக்கீல் அறிவித்துள்ளார். இஸ்ரேல் வரலாற்றில் உயர் பதவியில் உள்ள ஒருவருக்கு இதுபோன்ற மிகப்பெரிய தண்டனை வழங்கப்பட்டது இதுவே முதல் முறையாகும்.
Tags:
Justice